சினிமா மீதான தனது அளவிலா ஆர்வம், அர்ப்பணிப்பு மற்றும் கடின உழைப்பால் ரசிகர்களின் மனதில் தனி இடம்பிடித்துள்ள நடிகர் விஷால், தனது அடுத்த பிரம்மாண்ட முயற்சியான ‘மகுடம்’ திரைப்படத்தின் மூலம் ரசிகர்களை உற்சாகப்படுத்த தயாராகி வருகிறார். முழுக்க முழுக்க ஆக்ஷன் மற்றும் வணிக அம்சங்கள் நிறைந்த இந்த திரைப்படம், விஷாலின் திரைப்பயணத்தில் முக்கியமான மைல்கல்லாக அமைகிறது. இப்படத்தில் மூன்று வித்தியாசமான பரிமாணங்களைக் கொண்ட கதாபாத்திரங்களில் நடித்திருக்கும் விஷால், கதாநாயகனாக மட்டுமின்றி இயக்குநராகவும் பொறுப்பேற்று தனது படைப்புத் திறனை வெளிப்படுத்தியுள்ளார்.
புகழ்பெற்ற சூப்பர் குட் ஃபிலிம்ஸ் நிறுவனத்தின் தயாரிப்பில் உருவாகும் ‘மகுடம்’, அந்நிறுவனத்தின் 99-வது தயாரிப்பாகவும், விஷாலின் 35-வது திரைப்படமாகவும் சிறப்பு பெறுகிறது. தமிழ் மற்றும் தெலுங்கில் உருவாகும் இந்த இருமொழிப் படம், சென்னை, ஊட்டி, ராஜமஹேந்திரவரம் மற்றும் காக்கிநாடா உள்ளிட்ட பல்வேறு இடங்களில் நடைபெற்ற விரிவான படப்பிடிப்புகளை வெற்றிகரமாக நிறைவு செய்துள்ளது.
சமீபத்தில் வெளியிடப்பட்ட டீசர் ரசிகர்கள் மத்தியில் மிகப்பெரிய வரவேற்பைப் பெற்றுள்ளது. அதிரடியான சண்டைக் காட்சிகள், உணர்வுபூர்வமான தருணங்கள் மற்றும் காதல் கலந்த காட்சிகளுடன் வெளியான டீசர், படத்தின் மீதான எதிர்பார்ப்பை பலமடங்கு உயர்த்தியுள்ளது. ‘மகுடம்’ திரைப்படம் விரைவில் பிரம்மாண்டமாக திரையரங்குகளில் வெளியாகவுள்ள நிலையில், தெலுங்கில் ‘மகுடம்’ (Makutam) என்ற பெயரில் வெளியாக உள்ளது.
படத்தின் மீதான எதிர்பார்ப்பை மேலும் அதிகரிக்கும் வகையில், முதல் பாடலும் ரசிகர்களிடையே நல்ல வரவேற்பைப் பெற்றுள்ளது. பாடலின் லிரிக்கல் வீடியோ 20 லட்சத்திற்கும் அதிகமான பார்வைகளைப் பெற்று, சமூக வலைதளங்களில் கவனம் ஈர்த்துள்ளது.
விஷாலுடன் இணைந்து அஞ்சலி, துஷாரா விஜயன், தம்பி ராமையா, ஜான் விஜய், ஜெயப்பிரகாஷ், அஜய், வம்சி கிருஷ்ணா, அர்ஜை, அபு சலீம், ஸ்ரீலேகா, விஜே ஜான்சி, பதம் குமார் மற்றும் சபுமோன் உள்ளிட்ட பலர் முக்கிய கதாபாத்திரங்களில் நடித்துள்ளனர். ஒவ்வொருவரும் தங்களது கதாபாத்திரங்களுக்கு வலுசேர்க்கும் வகையில் சிறப்பான நடிப்பை வழங்கியுள்ளதாக கூறப்படுகிறது.
படத்திற்கு ஜி.வி. பிரகாஷ் குமார் இசையமைத்துள்ளார். ‘மார்க் ஆண்டனி’ படத்தின் வெற்றிக்குப் பிறகு விஷாலுடன் அவர் மீண்டும் இணைந்திருப்பது குறிப்பிடத்தக்கது. ஒளிப்பதிவாளர்கள் ரிச்சர்ட் எம். நாதன் மற்றும் அபிநந்தன் ராமானுஜம் இணைந்து காட்சியமைப்பில் பிரம்மாண்டத்தை உருவாக்கியுள்ளனர். மேலும், பிரபல ஸ்டண்ட் இயக்குநர் திலீப் சுப்பராயன் வடிவமைத்துள்ள சண்டைக் காட்சிகள் படத்தின் முக்கிய அம்சங்களாக இருக்கும் என எதிர்பார்க்கப்படுகிறது.
தென்னிந்திய சினிமாவின் மதிப்புமிக்க தயாரிப்பாளர்களில் ஒருவரான ஆர்.பி. சௌத்ரியின் சூப்பர் குட் ஃபிலிம்ஸ் நிறுவனம் தயாரிக்கும் ‘மகுடம்’, அந்நிறுவனத்தின் புகழ்மிக்க பாரம்பரியத்தைத் தொடர்ந்து கொண்டு செல்கிறது. படப்பிடிப்பு நிறைவடைந்துள்ள நிலையில், தற்போது இறுதிக்கட்ட பின்னணி பணிகள் முழுவீச்சில் நடைபெற்று வருகின்றன. உலகம் முழுவதும் ரசிகர்களை கவரும் வகையில் இந்த ஆக்ஷன் விருந்து வரும் ஜூலை மாதம் வெளியாக உள்ளது.