காதல், நகைச்சுவை, குடும்ப உணர்வுகள் மற்றும் கலாச்சார வேறுபாடுகளை கலகலப்பாக இணைத்து உருவான ‘அன்பே டயானா’ திரைப்படம், வரும் ஆகஸ்ட் 28, 2026 முதல் Sony LIV தளத்தில் பிரத்யேகமாக டிஜிட்டல் பிரீமியராக வெளியாகிறது. திரையரங்குகளில் குடும்ப ரசிகர்களிடையே நல்ல வரவேற்பைப் பெற்ற இப்படம், தற்போது அதிகமான பார்வையாளர்களை சென்றடைய டிஜிட்டல் வெளியீட்டுக்கு தயாராகியுள்ளது.
‘Where Love Meets Chaos’ என்ற வரியுடன் வெளியாகவுள்ள ‘அன்பே டயானா’, முற்றிலும் மாறுபட்ட இரு உலகங்களைச் சேர்ந்த இருவர் காதலில் விழும்போது அவர்களது வாழ்க்கையில் ஏற்படும் சுவாரஸ்யமான மாற்றங்களை மையமாகக் கொண்ட feel-good ரொமாண்டிக் காமெடியாக உருவாகியுள்ளது.
சென்னையின் பரபரப்பான பெரம்பூர் பகுதியை பின்னணியாகக் கொண்டு உருவாகியுள்ள இப்படம், பழமைவாத குடும்பத்தைச் சேர்ந்த ஒரு இளைஞனின் வாழ்க்கையில் சுதந்திரமான சிந்தனையுடன் வாழும் ஆங்கிலோ-இந்திய பெண் ஒருவர் நுழையும்போது தொடங்கும் மாற்றங்களைச் சொல்கிறது. வெவ்வேறு கலாச்சாரங்கள், குடும்பப் பின்னணிகள் மற்றும் வாழ்க்கை முறைகளுக்கு இடையே மலரும் காதல், பல சிரிப்புகளையும் எதிர்பாராத குழப்பங்களையும் உருவாக்குகிறது.
காதல் ஒருபுறம், குடும்பத்தின் எதிர்பார்ப்புகள் மறுபுறம் என நகரும் இந்தக் கதை, உணர்வுகளையும் நகைச்சுவையையும் சமநிலையுடன் இணைத்து குடும்பத்துடன் ரசிக்கக்கூடிய ஒரு பொழுதுபோக்கு அனுபவத்தை வழங்குகிறது.
பரி இளவழகன் இப்படத்தை எழுதி இயக்கியதுடன், கதாநாயகனாகவும் நடித்துள்ளார். அவருக்கு ஜோடியாக ரம்யா ரங்கநாதன் நடித்துள்ளார். குறிப்பாக, ரம்யா ரங்கநாதனின் திரை நடிப்பு ரசிகர்களின் கவனத்தை ஈர்த்துள்ளதாக படக்குழு தெரிவித்துள்ளது. கலாச்சார மற்றும் குடும்ப எல்லைகளைத் தாண்டி உருவாகும் காதலின் சவால்களை அனைவரும் தொடர்புபடுத்திக் கொள்ளும் வகையில் படம் உருவாக்கப்பட்டுள்ளது.
படத்தின் டிஜிட்டல் வெளியீடு குறித்து எழுத்தாளர், இயக்குநர் மற்றும் நடிகரான பரி இளவழகன் கூறுகையில், “‘அன்பே டயானா’ படத்தில் எழுத்தாளர், இயக்குநர், நடிகர் என மூன்று பொறுப்புகளை ஏற்றது என் வாழ்க்கையின் மிகவும் அழகான மற்றும் மனநிறைவைத் தந்த பயணங்களில் ஒன்று. இந்தப் படம் என் மனதிற்கு மிகவும் நெருக்கமானது. திரையரங்குகளில் ரசிகர்களிடமிருந்து கிடைத்த அன்பும், ஆரவாரமும் எங்களை உண்மையிலேயே நெகிழச் செய்தது. தற்போது Sony LIV மூலம் இன்னும் அதிகமான பார்வையாளர்களை சென்றடைய முடியும் என்பதில் மகிழ்ச்சி. குடும்பத்துடன் அமர்ந்து ‘அன்பே டயானா’வின் காதல், கொண்டாட்டம் மற்றும் மகிழ்ச்சியை அனைவரும் வீட்டிலிருந்தபடியே ரசிப்பார்கள் என்று நம்புகிறேன்” என்றார்.
Million Dollar Studios, Neo Castle Creations மற்றும் Era Entertainments ஆகிய நிறுவனங்கள் இணைந்து தயாரித்துள்ள இப்படம், காதல், நகைச்சுவை, உணர்வு மற்றும் குடும்ப உறவுகளை ஒருங்கிணைக்கும் பொழுதுபோக்கு படமாக அமைந்துள்ளது.
இந்த ஆகஸ்ட் மாதத்தில் Sony LIV பார்வையாளர்களுக்காக காதல் கதைகளின் தொடர்ச்சியான வெளியீடுகளும் இடம்பெறுகின்றன. ஆகஸ்ட் 21 அன்று ‘சென்னை லவ் ஸ்டோரி’ வெளியான நிலையில், அதனைத் தொடர்ந்து ஆகஸ்ட் 28 அன்று ‘அன்பே டயானா’ வெளியாகிறது. கிரண் அப்பாவரம் மற்றும் ஸ்ரீ கௌரி பிரியா நடித்துள்ள ‘சென்னை லவ் ஸ்டோரி’யும் சென்னையின் பின்னணியில் காதல், நம்பிக்கை மற்றும் புதிய தொடக்கங்களை எதிர்கொள்ளும் இளைஞர்களின் கதையைச் சொல்கிறது.
இவ்விரு படங்களின் மூலம் காதல், சிரிப்பு, உணர்வு மற்றும் feel-good பொழுதுபோக்கு அம்சங்களை ரசிகர்களுக்கு வழங்க Sony LIV தயாராகியுள்ளது.
காதல், சிரிப்பு மற்றும் சென்னை ஸ்டைல் குழப்பம் நிறைந்த ‘அன்பே டயானா’வை ஆகஸ்ட் 28, 2026 முதல் Sony LIV-ல் காணலாம்.