சென்னையில் தொடங்கும் ‘தமிழ் ஐடல்’ தேடல்; ஆகஸ்ட் 23-ல் முதல் ஆடிஷன்!

தமிழகத்தின் அடுத்த இசை நட்சத்திரத்தைத் தேடும் பிரம்மாண்டமான ‘தமிழ் ஐடல்’ நிகழ்ச்சியின் முதல் நேரடி ஆடிஷன், ஆகஸ்ட் 23-ஆம் தேதி சென்னையில் நடைபெறுகிறது. முதல் சீசனின் தொகுப்பாளர்களாக விக்கல்ஸ் விக்ரம் மற்றும் பூஜா வெங்கட் இணைந்துள்ள நிலையில், இசை ஆர்வலர்களிடையே இந்த நிகழ்ச்சி பெரும் எதிர்பார்ப்பை ஏற்படுத்தியுள்ளது.

Sony VIZHA மற்றும் Sony LIV இணைந்து வழங்கும் இந்த இசைப் போட்டி நிகழ்ச்சிக்கு, இசைப்புயல் ஏ.ஆர். ரஹ்மான் சூப்பர் ஜட்ஜாக தலைமை வகிக்கிறார். தமிழகத்தின் பல்வேறு பகுதிகளில் மறைந்திருக்கும் தனித்துவமான குரல்களையும் இசைத் திறமைகளையும் கண்டறிந்து, அவர்களுக்கு ஒரு பெரிய மேடையை உருவாக்குவதே ‘தமிழ் ஐடல்’ நிகழ்ச்சியின் முக்கிய நோக்கமாகும்.

சென்னையில் நடைபெறும் முதல் கட்ட ஆடிஷன், மேல் அயனம்பாக்கத்தில் உள்ள வேலம்மாள் வித்யாலயா அனெக்சர்வளாகத்தில் நடைபெறுகிறது. இதில் 14 முதல் 30 வயது வரை உள்ள பாடல் திறமை கொண்டவர்கள் கலந்து கொண்டு தங்களது குரல் திறனை வெளிப்படுத்தலாம்.

இந்த நிகழ்ச்சியின் தொகுப்பாளர்களாக இணைந்துள்ள விக்கல்ஸ் விக்ரம் மற்றும் பூஜா வெங்கட், போட்டியாளர்களின் இசைப் பயணத்தை ரசிகர்களுடன் இணைக்கும் முக்கியப் பொறுப்பை ஏற்றுள்ளனர். சென்னை ஆடிஷனைத் தொடர்ந்து, தமிழகத்தின் பல்வேறு நகரங்களிலும் திறமையான பாடகர்களைத் தேடும் பயணம் நடைபெற உள்ளது.

இதுகுறித்து விக்கல்ஸ் விக்ரம் கூறுகையில், “தமிழகம் ஏராளமான அசாதாரண இசைத் திறமைகளைக் கொண்ட மண். அந்தக் குரல்களை உலகிற்கு அறிமுகப்படுத்தும் ஒரு மேடையின் பகுதியாக இருப்பது எனக்கு மகிழ்ச்சியும் பெருமையும் அளிக்கிறது. ‘தமிழ் ஐடல்’ என்பது வெறும் போட்டி மட்டுமல்ல; புதிய கலைஞர்களின் கனவுகளுக்கு ஒரு தொடக்கப் புள்ளியாக இருக்கும். ஏ.ஆர். ரஹ்மான் சார் தலைமையில் இந்தப் பயணத்தில் இணைவது மேலும் சிறப்பானது,” என்றார்.

பூஜா வெங்கட் கூறுகையில், “ஒரு புதிய குரலில் இருக்கும் தனித்துவத்தை முதன்முறையாகக் கேட்பது எப்போதும் ஒரு சிறப்பான அனுபவம். இசை, உணர்வு மற்றும் தமிழகத்தின் பல பகுதிகளைச் சேர்ந்த மக்களின் கதைகளை ஒன்றிணைக்கும் நிகழ்ச்சியாக ‘தமிழ் ஐடல்’ உருவாகியுள்ளது. ஒவ்வொரு போட்டியாளரும் தன்னம்பிக்கையுடன் தங்களது திறமையை வெளிப்படுத்தக்கூடிய ஒரு ஊக்கமளிக்கும் சூழலை உருவாக்க வேண்டும் என்பதே எனது விருப்பம்,” என்றார்.

சென்னையில் ஆகஸ்ட் 23-ஆம் தேதி தொடங்கும் இந்தப் பயணம், தொடர்ந்து தமிழகத்தின் பல நகரங்களுக்கு விரிவடைய உள்ளது. மாநிலம் முழுவதிலுமிருந்து வரும் ஆயிரக்கணக்கான குரல்களில் இருந்து, ரசிகர்களின் இதயங்களை வெல்லப்போகும் அடுத்த இசை நட்சத்திரம் யார் என்ற தேடல் இப்போது தொடங்கியுள்ளது.

சென்னைவாசிகளே, உங்கள் குரலை உலகம் கேட்கும் மேடை தயாராகிவிட்டது! ‘தமிழ் ஐடல்’ முதல் ஆடிஷன் ஆகஸ்ட் 23-ல் சென்னையில் நடைபெறுகிறது.