இம்ரான் ஹாஷ்மியின் அடுத்த ஹாரர் அவதாரம் – ‘ரூஹ்’ படத்தில் மீண்டும் இணையும் டிப்ஸ் ஃபிலிம்ஸ்!

டிப்ஸ் ஃபிலிம்ஸ் மற்றும் டிப்ஸ் மியூசிக் நிறுவனங்கள் இணைந்து, நடிகர் இம்ரான் ஹாஷ்மி நடிப்பில் உருவாகும் இசையை மையமாகக் கொண்ட ஹாரர் திரைப்படமான ‘ரூஹ்’ (ROOH) படத்தில் இணைந்துள்ளன. காதல், ஹாரர், மர்மம் மற்றும் ஆழமான உணர்வுகளை இசையுடன் இணைத்து உருவாகும் இப்படம், 2027-ம் ஆண்டு இந்தி, தமிழ், தெலுங்கு ஆகிய மூன்று மொழிகளில் திரையரங்குகளில் வெளியாகிறது.

குமார் தௌரானி தலைமையிலான டிப்ஸ் ஃபிலிம்ஸ் மற்றும் டிப்ஸ் மியூசிக் நிறுவனங்கள், விக்ட் ஃபிலிம்ஸ் புரொடக்ஷன்ஸ் நிறுவனத்துடன் இணைந்து இப்படத்தைத் தயாரிக்கின்றன. மயங்க் ஷர்மா இயக்கும் இப்படத்தின் கதையை விஷால் கபூர் மற்றும் மயங்க் ஷர்மா இணைந்து எழுதியுள்ளனர்.

இந்தி திரையுலகில் பல மறக்க முடியாத ஹாரர் திரைப்படங்களில் நடித்துள்ள இம்ரான் ஹாஷ்மி, மீண்டும் ஹாரர் ஜானரில் உருவாகும் படத்தில் நடிக்கிறார். காதல், பிரிவு, ஏக்கம் எனப் பல்வேறு உணர்வுகளை வெளிப்படுத்தும் அவரது திரைப்படப் பாடல்கள் ஒரு தலைமுறை ரசிகர்களின் மனதில் நீங்கா இடம்பிடித்துள்ளன. அந்த இசைப் பாரம்பரியத்தையும், குமார் தௌரானியின் இசை அனுபவத்தையும், டிப்ஸ் ஃபிலிம்ஸின் தயாரிப்புத் திறனையும் ஒன்றிணைக்கும் படைப்பாக ‘ரூஹ்’ உருவாகிறது.

இப்படம் குறித்து தயாரிப்பாளர் குமார் தௌரானி கூறுகையில், “இம்ரானுடன் மீண்டும் இணைவது எங்களுக்கு மிகவும் சிறப்பான தருணம். ஏனெனில், அவர் அறிமுகமான ‘ஃபுட்பாத்’ திரைப்படத்தையும் நாங்கள்தான் தயாரித்திருந்தோம். கடந்த பல ஆண்டுகளாகப் பல திரைப்படங்களில் இணைந்து மறக்க முடியாத வெற்றிகளைப் பெற்றிருக்கிறோம். தற்போது ‘ரூஹ்’ திரைப்படத்தின் மூலம் மீண்டும் அந்த வெற்றி மாயாஜாலத்தை உருவாக்குவோம் என்ற நம்பிக்கை உள்ளது. இந்தப் படத்தில் சன்னி கன்னா மற்றும் விக்ரம் கக்கருடன் இணைந்து பணியாற்றுவதிலும் மகிழ்ச்சி அடைகிறேன். ரசிகர்களுக்கு ஒரு சிறப்பான திரையரங்க அனுபவத்தை வழங்க ஆவலுடன் காத்திருக்கிறோம்” என்றார்.

விக்ட் ஃபிலிம்ஸ் புரொடக்ஷன்ஸ் தயாரிப்பாளர் விக்ரம் கக்கர் பேசுகையில், “‘ரூஹ்’ திரைப்படம் எங்களுக்கு மிகவும் சிறப்பான ஒரு படைப்பு. டிப்ஸ் ஃபிலிம்ஸ் மற்றும் டிப்ஸ் மியூசிக் நிறுவனங்கள் எங்களுடன் இணைந்திருப்பது ஒரு முக்கியமான மைல்கல். அனைவரும் இணைந்து ரசிகர்களுக்கு மறக்க முடியாத, பிரம்மாண்டமான ஹாரர் திரைப்பட அனுபவத்தை 2027-ம் ஆண்டு திரையரங்குகளில் வழங்குவதில் மிகுந்த உற்சாகத்துடன் இருக்கிறோம்” என்றார்.

தயாரிப்பாளர் சன்னி கன்னா கூறுகையில், “குமார் தௌரானி மற்றும் கிரிஷ் குமார் ஆகியோர் ‘ரூஹ்’ திரைப்படத்தில் எங்களுடன் இணைந்திருப்பது மிகுந்த மகிழ்ச்சியளிக்கிறது. திரைப்படம் மற்றும் இசைத் துறைகளில் அவர்கள் உருவாக்கியுள்ள சாதனைகளும் பாரம்பரியமும் இந்தக் கூட்டணியை மேலும் சிறப்பாக்குகின்றன. குறிப்பாக, இசை முக்கியப் பங்கு வகிக்கும் இப்படத்தில் அவர்களுடன் இணைந்திருப்பது மிகுந்த உற்சாகத்தை அளிக்கிறது. இந்தக் கூட்டணியின் மூலம் இந்தி, தமிழ் மற்றும் தெலுங்கு மொழி ரசிகர்களிடம் இப்படத்தைக் கொண்டு சேர்க்க ஆவலுடன் இருக்கிறோம்” என்றார்.

படத்தின் இசை குறித்துப் பேசிய நடிகர் இம்ரான் ஹாஷ்மி, “இந்தப் படத்தில் குமார் ஜியுடன் இணைந்து பணியாற்றுவது ஒரு இனிமையான தற்செயல் நிகழ்வாகவே கருதுகிறேன். எனது திரைப்படங்களுடன் ரசிகர்கள் உணர்வுபூர்வமாக இணைவதில் இசை எப்போதுமே முக்கியப் பங்கு வகித்துள்ளது. ‘ரூஹ்’ திரைப்படத்தின் ஆன்மாவைப் பிரதிபலிக்கும் வகையில், காதல், மர்மம் மற்றும் ஆழமான உணர்வுகள் நிறைந்த இசையை உருவாக்க விரும்புகிறோம்” என்றார்.

டிப்ஸ் ஃபிலிம்ஸ் வழங்கும் இப்படம், விக்ட் ஃபிலிம்ஸ் தயாரிப்பில் உருவாகிறது. குமார் தௌரானி, கிரிஷ் குமார், விக்ரம் கக்கர் மற்றும் சன்னி கன்னா ஆகியோர் இணைந்து தயாரிக்கின்றனர். விஷால் கபூர் மற்றும் மயங்க் ஷர்மா திரைக்கதை எழுதியுள்ளனர். விகாஸ் சாஹ்னி இணைத் தயாரிப்பாளராகப் பணியாற்றுகிறார். படத்தின் இசையை டிப்ஸ் மியூசிக் நிறுவனம் வெளியிடுகிறது.

இசை, காதல் மற்றும் ஹாரர் ஆகிய அம்சங்களை ஒருங்கிணைத்து உருவாகும் ‘ரூஹ்’, 2027-ம் ஆண்டு இந்தி, தமிழ், தெலுங்கு மொழிகளில் திரையரங்குகளில் வெளியாகிறது.