இந்தியாவின் 7வது பெரும் கோடீஸ்வரனின் கதை!

விஜய் ஆண்டனி பிலிம் கார்ப்பரேஷன் சார்பில் பாத்திமா விஜய் ஆண்டனி தயாரித்துள்ள படம் ‘பிச்சைக்காரன் 2’. விஜய் ஆண்டனி இயக்கி, இசையமைத்து நடித்துள்ளார். காவ்யா தாப்பர், ராதாரவி, ஒய்.ஜி.மகேந்திரன், மன்சூர் அலிகான், ஹரீஷ் பெராடி, ஜான் விஜய், தேவ் கில், யோகி பாபு நடித்துள்ளனர். ஓம் நாராயண் ஒளிப்பதிவு செய்துள்ளார். பூ சசி இயக்கத்தில் 2016ம் ஆண்டு வெளியான பிச்சைக்காரன் படத்தின் 2ம் பாகம் இது. இந்த படத்தை இயக்க சசி மறுத்து விட்டதால் விஜய் ஆண்டனி இயக்கினார். விஜய் ஆண்டனி படங்களிலேயே அதிக பட்ஜெட்டில் தயாராகி உள்ளது. இதில் விஜய் ஆண்டனி விஜய் குருமூர்த்தி என்ற இந்தியாவின் 7வது பெரும் கோடீஸ்வரராக நடித்துள்ளாராம். அவரே ஒரு கொலை வழக்கிலும் சிக்குகிறார். இருவரும் ஒருவரா, வெவ்வேறு நபரா, என்பதுதான் படத்தின் கதை. கடந்த தமிழ் புத்தாண்டு தினத்தில் வெளிவருவதாக இருந்த படம் சில பிரச்சினைகளால் வரவில்லை. இந்த நிலையில் படம் வரும் 19ம் தேதி வெளியாக உள்ளதாம்.