கௌதம் ராம் கார்த்திக்கின் ‘Bloody Politics’ டீசர் வெளியீடு – விஜய் சேதுபதி வெளியிட்டார்!

வித்தியாசமான கதைகளைத் தேர்வு செய்து நடித்து வரும் கௌதம் ராம் கார்த்திக்கின் அடுத்த படமாக உருவாகியுள்ள ‘Bloody Politics’ படத்தின் பெரிதும் எதிர்பார்க்கப்பட்ட டீசர் வெளியாகியுள்ளது. இப்படத்தின் டீசரை ‘மக்கள் செல்வன்’ விஜய் சேதுபதி வெளியிட்டுள்ளார்.

படத்தின் தலைப்பு அறிவிக்கப்பட்டபோதே ரசிகர்கள் மத்தியில் எதிர்பார்ப்பை ஏற்படுத்திய ‘Bloody Politics’, அரசியல் பின்னணியில் உருவாகியுள்ள த்ரில்லர் திரைப்படமாக உருவாகியுள்ளது. இயக்குநர் தினா ராகவன் இப்படத்தை இயக்கியுள்ளார்.

107 விநாடிகள் கொண்ட டீசர், படத்தின் கதைக்களம் குறித்த ஒரு சுவாரஸ்யமான பார்வையை வழங்குகிறது. அரசியல்வாதியாக வேண்டும் என்ற லட்சியத்துடன் இருக்கும் ஆக்ரோஷமான இளைஞர் கதாபாத்திரத்தில் கௌதம் ராம் கார்த்திக் நடித்துள்ளார். அவரது கதாபாத்திரத்தின் கோபமும், அரசியல் ஆசையும் டீசரில் அழுத்தமாக வெளிப்படுத்தப்பட்டுள்ளன.

மேலும், படத்தில் இடம்பெறும் பல்வேறு முக்கிய கதாபாத்திரங்களும் டீசரில் அறிமுகப்படுத்தப்படுகின்றன. குறிப்பாக இயக்குநர்கள் பி. வாசு மற்றும் செல்வராகவன் ஆகியோர் ஏற்று நடித்துள்ள கதாபாத்திரங்களும் கவனம் ஈர்க்கின்றன. அழுத்தமான வசனங்களுடன் விறுவிறுப்பான காட்சிகளும் இடம்பெற்றுள்ளதால், படத்தின் மீதான எதிர்பார்ப்பு மேலும் அதிகரித்துள்ளது.

படத்தின் தொழில்நுட்ப அம்சங்களும் டீசரில் கவனம் பெறுகின்றன. அரசியல் பின்னணியில் நகரும் கதைக்களத்திற்கு ஏற்ற வகையில் உருவாக்கப்பட்டுள்ள காட்சியமைப்புகள், ஒளிப்பதிவு மற்றும் பின்னணி இசை ஆகியவை படத்திற்கு விறுவிறுப்பான திரையரங்க அனுபவத்தை வழங்கும் என்ற எதிர்பார்ப்பை ஏற்படுத்துகின்றன.

Ganesh K Babu, Draft by GKB நிறுவனம் சார்பில் இப்படத்தை வழங்குகிறார். Sanjay Muthukumar V இணை தயாரிப்பாளராக உள்ளார்.

இப்படத்திற்கு வசனங்களை ராஜு முருகன் எழுதியுள்ளார். Sam C.S. இசையமைக்க, பிரதீப் காளிராஜா ஒளிப்பதிவு செய்துள்ளார். கலை இயக்கத்தை தா. ராமலிங்கமும், படத்தொகுப்பை தீபக் S. மேற்கொண்டுள்ளனர்.

படத்தின் டிரெய்லர், இசை வெளியீடு மற்றும் திரையரங்க வெளியீட்டு தேதி குறித்த அதிகாரப்பூர்வ அறிவிப்புகள் விரைவில் வெளியாகும் என எதிர்பார்க்கப்படுகிறது.