ஆலியா பட்டின் இதுவரை காணாத புதிய அவதாரம் – ‘லவ் & வார்’ முதல் பார்வை போஸ்டர்கள் வைரல்!

சஞ்சய் லீலா பன்சாலி இயக்கத்தில் பிரம்மாண்டமாக உருவாகி வரும் ‘லவ் & வார்’ திரைப்படத்தின் மீதான எதிர்பார்ப்பு தொடர்ந்து அதிகரித்து வரும் நிலையில், இப்படத்தில் ஆலியா பட் இடம்பெறும் இரண்டு புதிய ஃபர்ஸ்ட் லுக் போஸ்டர்கள் வெளியாகியுள்ளன. இதில், ஆலியா பட் இதுவரை ஏற்றிராத வித்தியாசமான நியூ ஜெனரேஷன் கேபரேட் அவதாரத்தில் தோன்றியிருப்பது ரசிகர்களின் கவனத்தை ஈர்த்துள்ளது.

2027ஆம் ஆண்டில் வெளியாகவுள்ள மிகவும் எதிர்பார்க்கப்படும் திரைப்படங்களில் ஒன்றாக இருக்கும் ‘லவ் & வார்’, அறிவிக்கப்பட்டது முதலே தொடர்ந்து கவனம் பெற்று வருகிறது. படத்தின் முதல் போஸ்டர் வெளியானது தொடங்கி, ரன்பீர் கபூரின் கதாபாத்திரத் தோற்றங்கள் உள்ளிட்ட அடுத்தடுத்த அப்டேட்கள் ரசிகர்களின் எதிர்பார்ப்பை அதிகரித்து வருகின்றன.

இந்நிலையில், தற்போது வெளியிடப்பட்டுள்ள ஆலியா பட்டின் முதல் போஸ்டரில், அவர் கண்கவர் ஸ்லிட் ஸ்கர்ட் மற்றும் பிரத்யேகமான சிகை அலங்காரத்துடன் நாற்காலியில் அமர்ந்தபடி காட்சியளிக்கிறார். அவரது ஒட்டுமொத்த தோற்றம் படத்தின் கிளாமர் அம்சத்தை வெளிப்படுத்தும் வகையில் அமைந்துள்ளது.

இதனைத் தொடர்ந்து வெளியான இரண்டாவது போஸ்டரில், ஆலியா பட் முற்றிலும் மாறுபட்ட கேபரேட் தோற்றத்தில் இடம்பெற்றுள்ளார். பின்னணியில் மின்னும் கேபரேட் மேடை இடம்பெற்றுள்ள நிலையில், அவரது உடை, அலங்காரம் மற்றும் காட்சியமைப்பு ஆகியவற்றில் சஞ்சய் லீலா பன்சாலியின் திரைப்படங்களுக்கே உரிய நுணுக்கமான கலை வடிவமைப்பு வெளிப்படுகிறது.

இந்த இரண்டு போஸ்டர்களும் ஆலியா பட்டின் கதாபாத்திரம் குறித்த ஆர்வத்தை அதிகரித்துள்ளன. ஏற்கனவே தனது நடிப்பின் மூலம் தனக்கென ஒரு இடத்தை உருவாக்கியுள்ள ஆலியா பட், இப்படத்தில் இதுவரை ரசிகர்கள் பார்த்திராத ஒரு புதிய தோற்றத்திலும், மாறுபட்ட கதாபாத்திரத்திலும் தோன்றவுள்ளதாக இந்த போஸ்டர்கள் உணர்த்துகின்றன.

சஞ்சய் லீலா பன்சாலியுடன் ஆலியா பட் மீண்டும் இணைந்திருப்பதும் இப்படத்தின் முக்கிய எதிர்பார்ப்புகளில் ஒன்றாக உள்ளது. முன்னதாக இருவரது கூட்டணியில் வெளியான ‘கங்குபாய் கத்தியவாடி’ திரைப்படம் கவனம் பெற்ற நிலையில், ‘லவ் & வார்’ படத்திற்கான இந்த புதிய கூட்டணி ரசிகர்களிடம் கூடுதல் எதிர்பார்ப்பை ஏற்படுத்தியுள்ளது.

‘லவ் & வார்’ திரைப்படத்தின் முதல் போஸ்டர் வெளியானது முதலே சமூக வலைதளங்களில் தொடர்ந்து பேசுபொருளாக இருந்து வருகிறது. ரன்பீர் கபூர் மற்றும் ஆலியா பட் ஆகியோரின் அடுத்தடுத்த தோற்றங்கள் படத்தின் மீதான ஆர்வத்தை மேலும் அதிகரித்துள்ளன. ஒவ்வொரு புதிய போஸ்டரும் சஞ்சய் லீலா பன்சாலியின் பிரம்மாண்டமான திரை உலகத்தின் வெவ்வேறு பரிமாணங்களை அறிமுகப்படுத்தி வருவதால், படத்தில் மேலும் என்னென்ன ஆச்சரியங்கள் காத்திருக்கின்றன என்ற எதிர்பார்ப்பு ரசிகர்கள் மத்தியில் உருவாகியுள்ளது.

சஞ்சய் லீலா பன்சாலி இயக்கும் ‘லவ் & வார்’ திரைப்படத்தில் ரன்பீர் கபூர், ஆலியா பட் மற்றும் விக்கி கௌஷல் ஆகியோர் முன்னணி கதாபாத்திரங்களில் நடிக்கின்றனர். இப்படம் 2027ஆம் ஆண்டு ஜனவரி 21ஆம் தேதி இந்தி, தமிழ் மற்றும் தெலுங்கு மொழிகளில் உலகம் முழுவதும் திரையரங்குகளில் வெளியாகிறது.