காதலும் உறவுகளும் பேசும் மணி ரத்னத்தின் ‘இஞ்சி வெல்லம்’ – ஜனவரி 29-ல் திரைக்கு வருகிறது!

சுபாஸ்கரன் தலைமையிலான லைகா புரொடக்‌ஷன்ஸ் வழங்கும், இயக்குநர் மணி ரத்னம் இயக்கத்தில் உருவாகியுள்ள ‘இஞ்சி வெல்லம்’ திரைப்படம், 2027 ஜனவரி 29 அன்று உலகம் முழுவதும் திரையரங்குகளில் வெளியாகும் என அதிகாரப்பூர்வமாக அறிவிக்கப்பட்டுள்ளது.

இந்தியத் திரையுலகில் தனக்கென தனித்துவமான அடையாளத்தை உருவாக்கியுள்ள இயக்குநர் மணி ரத்னம் இயக்கத்தில், லைகா புரொடக்‌ஷன்ஸ் தயாரிப்பில் உருவாகியுள்ள இப்படத்தின் மீது ரசிகர்கள் மத்தியில் பெரும் எதிர்பார்ப்பு நிலவி வருகிறது. மக்கள் செல்வன் விஜய் சேதுபதி மற்றும் சாய் பல்லவி முதன்மைக் கதாபாத்திரங்களில் நடித்துள்ள இப்படம், காதல் மற்றும் மனித உறவுகளை மையமாகக் கொண்ட அழகான படைப்பாக உருவாகியுள்ளது.

முன்னதாக, லைகா புரொடக்‌ஷன்ஸ் மற்றும் மணி ரத்னம் கூட்டணியில் வெளியான ‘பொன்னியின் செல்வன்’ திரைப்படங்கள் மிகப்பெரிய வெற்றியைப் பெற்றன. இதனைத் தொடர்ந்து இந்தக் கூட்டணி மீண்டும் இணைந்திருப்பது ‘இஞ்சி வெல்லம்’ திரைப்படத்தின் மீதான எதிர்பார்ப்பை மேலும் அதிகரித்துள்ளது.

தனது தனித்துவமான கதை சொல்லும் பாணி, நேர்த்தியான காட்சியமைப்பு மற்றும் வலுவான கதாபாத்திர உருவாக்கம் ஆகியவற்றின் மூலம் பல தலைமுறை ரசிகர்களைக் கவர்ந்து வருபவர் இயக்குநர் மணி ரத்னம். அவரது இயக்கத்தில் உருவாகும் ஒவ்வொரு திரைப்படமும் ரசிகர்கள் மத்தியில் தனி எதிர்பார்ப்பை ஏற்படுத்துவது வழக்கம். அந்த வகையில், விஜய் சேதுபதி – சாய் பல்லவி கூட்டணியில் உருவாகியுள்ள ‘இஞ்சி வெல்லம்’ திரைப்படமும் கவனம் ஈர்த்துள்ளது.

இப்படத்தில் கன்னட நடிகை சைத்ரா ஆச்சார் முக்கிய கதாபாத்திரத்தில் நடித்துள்ளார். ‘சப்த சாகரதாச்சே எல்லோ சைடு பி’ உள்ளிட்ட திரைப்படங்கள் மூலம் தனது நடிப்புத் திறமையை வெளிப்படுத்தியுள்ள இவர், ‘மீசைய முறுக்கு 2’, ‘3BHK’, ‘ரூம் நம்பர் 418’ உள்ளிட்ட படங்களிலும் நடித்துள்ளார்.

இப்படத்திற்கு ஆஸ்கர் விருது வென்ற இசையமைப்பாளர் ஏ.ஆர். ரஹ்மான் இசையமைத்துள்ளார். சமீபத்தில் வெளியான பிட் டிராக் பாடலுடன் கூடிய கிளிம்ப்ஸ் வீடியோவில் கொல்கத்தாவின் அழகும், படத்தின் தனித்துவமான காட்சியமைப்பும் ரசிகர்களுக்கு அறிமுகப்படுத்தப்பட்டன. இந்த வீடியோவில் இடம்பெற்ற காட்சிகளும் ஏ.ஆர். ரஹ்மானின் இசையும் ரசிகர்களின் கவனத்தை ஈர்த்துள்ளன.

படப்பிடிப்புப் பணிகள் முழுமையாக நிறைவடைந்துள்ள நிலையில், தற்போது இறுதிக்கட்டப் பின் தயாரிப்புப் பணிகள் விறுவிறுப்பாக நடைபெற்று வருகின்றன. ஜனவரி 29, 2027 அன்று உலகம் முழுவதும் திரையரங்குகளில் வெளியாகவுள்ள இப்படத்தின் முதல் பாடல் வெளியீடு, இசை வெளியீட்டு விழா மற்றும் டிரெய்லர் குறித்த அறிவிப்புகள் விரைவில் வெளியாகும் என எதிர்பார்க்கப்படுகிறது.

மணி ரத்னத்தின் இயக்கம், விஜய் சேதுபதி – சாய் பல்லவியின் நடிப்பு, ஏ.ஆர். ரஹ்மானின் இசை எனப் பல சிறப்பம்சங்களுடன் உருவாகியுள்ள ‘இஞ்சி வெல்லம்’ திரைப்படம், 2027ஆம் ஆண்டின் தொடக்கத்தில் ரசிகர்களைச் சந்திக்கத் தயாராகி வருகிறது.